|
|
|
 |
|
 |
||||||||
|
||||||||||
 |
 |
 |
||||||||
| الملتقى العام لكل القضايا المتفرقة وسائر الموضوعات التي لا تندرج تحت أي من التصنيفات الموجودة |
 |
|
|
أدوات الموضوع |
29-10-2002, 11:34 AM
|
#1 | ||||
|
عضـو مُـبـدع
|
مشتاااااااااااقه
بسم الله الرحمن الرحيم
سلام الله عليكم جميعا.. اخواني واخواتي من مدة وانا اود ان اكتب اللي في خاطري ولكن اتردد اليوم وفي هذه اللحظة ما ادري ليش جلست اكتب يمكن لاني مشتاااااااقة ومو قادرة اتحمل بعد اكثر.. اخواني .. اعذروني اذا كان في اخطاء املائيه مو قادرة اشوف اللي قدامي ... عيوني غرقانة في دمعها.. لاني .... مشتااااااااااقه.. ما ادري ليش انتوا بالذات جيت علشان افضفض لكم يمكن لان امي بعيدة عني في بلد ثاني .. وما ابيها تقلق علي ... يمكن لان ما عندي خوات معي في نفس المنطقة ... يمكن وهذا انا متأكدة منه اني ابوح باللي اشعر فيه معاكم بدون خجل... يمكن لاني مشتاااااااقه هنا .. وعلى هذا الكرسي وعلى نفس الجهاز اذا جلست كان يجي ويقول لي .. يمه تكفين .. خليني اشيك على ايميلي اقول له .. يا ولد كم مرة اقول لك ... بالدور اذا جاء دورك على النت .. سوي اللي تبي... ولازم تحترم دور غيرك... يبوس راسي ويقول لي تكفين يا ام احمد ثواني بس واقوم ... اقوم واخليه ... وتروح علي.. ما ادري ليش اذّكر هذا الحين يمكن لاني مشتااااااااقه ادخل المطبخ اسوي العشاء دقائق والا واحد من وراي يقول بوووووووه ويخليني انط من مكاني.... اطالع وراي والا هو اوحيمد... اصرخ فيه واقول له يا مجرم راح تجنني وهو رايح في اضحك ... ويقول خفتي يا ام احمد ويخليني اركص وراه بملعقة خشب واعطية كم كفخة على ظهره وهو ميت من الضحك.... ما ادري ليش جالسه اكتب .. اكيد لاني مشتااااااااقه ادخل المجلس .. هذا المكان يحب يذاكر فيه الدنيا فوضى.. اوراق مبعثرة كاسات فاضيه... علب عصير وشوكولاته على الكنب... ورق النشاف في كل مكان... ليه يا ولد المكان كذا يقول لي خلاص يا ام احمد .. حقك على المرة الجاية انا برتب المحل .. وانا اقول له هذا اللي ماخذه منك حقك علي .. ما يصير خاطرك الا طيب يحب على راسي ويقول خليه بعد شوي انا ارتب المكالن ... وتروح على... الشغاله ترتبه في اليوم الثاني وش فيني .. اكيد انا مشتاااااااااقة ادخل غرفته ... وهو يرتب كتبه حق اليوم الثاني ... شيء ما ينتصور... وش هذا يا ولد انت متى رجعت من المدرسه ولحقت تسوي كذا في الغرفة يضحك ويقول ... يمه ... كل يوم نفس الكلام .. تقوليه خلاص يمه ولا يهمك .. لا تخلين الشعالة ترتبها ... انا راح ارتبها تكرة اذا رجعت من المدرسه واخليها فوضى يومين وثلايه وما في فايدة ارجع وارتبها انا والشغاله والله اني مشتااااااااااقه ارتبها كل يوم قابله والله انه يعفس وانا ارتب لاني مشتااااااااقه يعذبي وانا اجلسه من النوم في الصباح للصلاة يقول يمه جلسي اخواني اول الحين انا راح اقوم يالله يا ولد راح تطلع الشمس طيب يمه والله الحين بقوم ويالله يقوم ... بعد الصلاة والفطور .. ابوه يقول له شغل السيارة يا احمد .. يقول له .. دور اخوي انا شغلتها امس .. يالله يا اخوة روح شغل السيارة يقول .يبه هذا دور احمد انا شغلتها امس احمد يقول واخوة يقول .. وانا اقول .. وابوهم يقول وتضيع السالفه .. اقول لهم خلاص انا راح اشغل السيارة يقوم اخوة يقول لا يمه انا راح اشغلها مع اني انا اللي شغلتها امس يضحك ابو حميد ... مجرم بعض الاحيان يصير والله مشتاقه.. الحين كل يوم بكل هدوء اخوة يشغل السيارة واقول ياريت يرجع النجار من الصبح بس لاني مشتاااااااااقه يرجع من المدرسه .. الظهر .. وانا في المطبخ .. ها يمه وش الغدا اليوم... ما تدري وش صار يمه في المدرسه اليوم في حصة الانجليزي ويوقف يسولف .. يتكلم عن هذا وعن داك يبغي يعلمي كل شي وانا اقول له روح غير ملابس الغداء صار جاهز .. يقول لكن بعد الغداء تجلسين معي لاني عند سالفه خصوصي ابغي اقوله لك وانا اقول .. انشاء الله .. يقول لي مو الحين تقولين انشاء الله وتطنشين .. اقول له لا .. راح اجلس معاك وقول اللي تبيه مشتااااااااااقه .. حق هالسوالف العصر.... اسمع مطاردات برة في التهويه نعل وانتوا بكرامه تتطاير.. اعرف ان الولد ترك دراسته قولوا ليش ... في طبع مو راضي يتركه من هو صغير ما يقدر يشوف قطو يمشي على جدار ما يضربه بالنعال !!! اقول له يا ولد ما راح تكبر .... للحين تترك دراستك علشان تضرب القطو حرام عليك يقول لي يمه انا ما اضربه انا بس اخوفه يضحك ويمشي .... الحين القطاوه يسرحون ويمرحون في لبيت على راحتهم مشتاااااااااقه احط راسي على مخدتي آخر الليل اتقلب يمين وشمال .... طاير النوم من عيني صورته ما تفارقني ( كان الله في عون الامهات الفاقدات اولادهم) اروي مخدتي بدموعي .. لين ما يغلبني النوم واشوفه في احلامي .. اجظنه وابوسه وافرغ كل مشاعري في احلامي لاني ببساطه ... مشتاقه المصدر: نفساني
|
||||
|
|
29-10-2002, 12:32 PM
|
#2 | |
|
عضو نشط
|
ام احمد اختي
اختي ام احمد
السلام عليكم ورحمة الله وبركاته بإختصار اقول عساك ماتفقدين غالي وان يجمعك بمن تحبين ولايفرق بينكم وانا اهدي لك هذا الأبيات من الشعر ارجوا ان تناسبك بمن تحبين من اولاد واقارب وصديقات من عز من قلب ماهون لو طال بعده عن احبابه مكتوب بالروح ومدون يبقى الغلى لأول اصحابه اعذريني لفضولي وتدخلي في موضوعك ساكن الرياض |
|
|
|
|
30-10-2002, 11:43 AM
|
#3 | |
|
عـضو دائم ( لديه حصانه )
|
أخيتي الغالية هناء
أشعر بما يعتمل في صدرك من حرقة الشوق الى ولدك المتغرب .. الله يوفقه في دراسته و يرده سالم لكم ان شاء الله .. أخي الذي يصغرني بسنتين عندما تخرج من الثانوية راح يقدم في جامعة الملك فهد في الخبر مدري في الظهران ، لكن الحمدلله ما قبلوه ، ما أعرف كيف راح يكون للبيت طعم من غيره .. هو مرح جداً الله يحفظه .. و يضحكني كثيراً . تخيلي يا هناء ؟ ما أبغاه يتزوج ! حتى لا يفارقنا . أخيتي العزيزة .. محد يقدر يلومك على اشتياقك له و ما أقول الا الله يكون في عونك و يجمعكم قريباً و يسعدكم و يخليكم لبعض و لا يفرقكم أبد . اكتبي كل اللي في خاطرك و لا تترددي يا أختي الحبيبة فلا شيء ليسعدني قدر الاصغاء لأخيتي التي أصغت الى تأوهاتي و أعطتني من وقتها الكثيـــر . و أذكرك يا هناء بأن تحمدي الله و تشكري فضله كثيراً .. فالبكاء نعمة عظيمة و راحة عجيبة غيرك يفتقدها و حقاً يتمناها . أصدق الدعوات لكِ و الله لا يخلانا منك . |
|
|
|
|
30-10-2002, 12:34 PM
|
#4 | |
|
( عضو دائم ولديه حصانه )
|
الله عليك الله يا أم أحمد وعلى روعة هذا الاشتياق
لا حرمك الله من أحمد ولا من أخوته ولا من غالينك .. صدقت ميرور فاالبكاء نعمه وهو با النسبة لي أكبر نعمه , أشكيه فقدي للغالي واهمه أيضا مشتااااااااقه لذلك الانسان الذي أماته صمته .. واهمه أيضا تبكيه يا أم أحمد الفرق بيني وبينك أنك إن شاء الله ستلتقين بأحمد يوما وتشبعين رغبة الاشتياق لديك ويعود النجار بينكما والمزاح وتهرب القطط من على جدران بيتكم :) أما إشتياقي فلا ترياق له .... حفظ الله لك أحبابك وأنزل دمعك فرحا بهم ولهم وأقر عينك بأحمد وأخوته |
|
|
|
|
30-10-2002, 11:56 PM
|
#5 | |
|
عضو فعال
|
أختي أم أحمد
سلام الله عليك روعتيني من جد مدري شالسالفه واخرتها عرفت أنه غربة أحمد مؤقته ان شاء الله ويرجع. الله يسامحك بس. أنا لي شهرين عن أهلي وشوقتيني لميمتي . يالله هذه الدنيا أن ما فرقت ما جمعت . أسأل الرب أنه يجمعك بأبنك قريب ويجمعني بميمتي ويرد كل غايب لأهله سالم يااااااااااااااااااااااااااااااااااااااااااااااااا ااااااااااااااااااااااااااااااارب قولي آمين. وتقبلي تحياتي:D |
|
|
|
|
31-10-2002, 12:48 AM
|
#6 | |
|
عضو فعال
|
ويش اسوي في الدموع اللي نزلت؟
يمكن مشاعر المراة ا لفياضة ويمكن احاسيس الام الدافئة والاكيد حلاوة وصفك لمشاعرك وصدق دقات نبضك هي اللي خلتني ابكي الله يرجعلك احمد ولايفرقك عن حبيب وغالي يالغالية وكل المسلمين0
|
|
|
|
|
31-10-2002, 01:16 AM
|
#7 | |
|
عـضو مؤسس
|
الله يجمعك بأحمد ياأم أحمد
الله يا ام احمد ماأروع كلماتك 00وما أصدقها00
كم هي عذبة مشاعر الأمومه000كم وقفت أقرأ وأعيد القراءة 00 كم شعرت بنبضات قلبك وهي تبحث عن محبها الذي غاب عن ناظريها وأن كان يحيى بين أضلعها000فسبحان من أبدع روح الأم 00وخلقها000 أم أحمد000حفظ الله لك أحمد وأخوته 00وأقر الله عينيك بصلاحهم00 الله يحفظك لغاليينك ويحفظهم لك0000000آمين |
|
|
|
|
31-10-2002, 05:46 AM
|
#8 | |
|
عضـو دائم ( لديه حصانه )
|
الله يلوم اللي يلومك .. يا أم أحمد
لي بنت عمرها خمس سنوات .. هي اللي لي من الذريه .. وهي معي وفي حضني أشمها وأبكي .. خايف عليها من المستقبل .. وشلون لو أني بعيد عنها ... مدري وش بتصير حالتي. الله يلوم اللي يلومك يا أم أحمد كلماتك خرجت من قلبك الى قلوبنا .. اسأل الله أن يحفظه .. ويرده لك سالما غانما ... ويقر عينك بصلاحه وصلاح اخوته. . |
|
|
|
|
31-10-2002, 06:38 AM
|
#9 | |
|
عـضو أسـاسـي
|
ام احمد 00
حروفك استنطقت الحزن بداخلي 00 وجعلت رغبتي في البكاء لاتقاوم 00 لصدق النبض 00 وكيف لا 00 وهو نبض ام مشتااااااااااقة ؟؟ كل مااقول ,, ارجعه الله لك سالماً غانماً ان شاء تعالى 00 وجمعك به 00 و لافرقك عنه وعن اخوته ابداً 00 بكل الود / مثايـــــل |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
