|
|
||||||||||
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
|
أدوات الموضوع |
02-12-2013, 10:45 AM | #1 | |||
عضو
|
حاله هلع اوسواس موت مش عارفه بس بجد تعبت
انا بنت 25 سنه وشخصيه ضحوكه ومتفاءله جدا .. ايوه كنت بخاف من الموت وبخاف على اهلى منه بس مكنش بهستريا كنت عاديه زى اى حد وبعدين فى سنه واحده فقدت 2 من اصحابى هما كانوا تعبانين بس موتهم كان سريع ومفاجىء . زعلت عليهم جدا بي تعايشت مع الحادث وكنت دايما احس ان ربنا عايز يوصلى رساله بس لغايه دلوقتى كنت طبيعيه لكن من شهرين كنت فى تاكسى وحسيت نفسى مخنوقه اووى وبالغصه فى حلقى وحسيت انى هموت ساعتها بس حاولت افكر فى شىء تانى وتجاوزتها وبعدين من اقل من شهر اتكررت عليا تانى وكنت فى وقتها بسمع قران فى تاكسى برضه ومعايا صديقتى حسيت انى مش قادره وانى لو فضلت فى التاكسى وكملت سماع القران هموت وفعلا نزلت منه ورغم خوفى انى اسمع اول منزلت فضلت اقرا انا وصاحبتى كل الايات اللى انا حفظها بس كنت هموت من الرعب وحسه انى هموت فى اللحظه دى وان خلاص لامفر مش عارفه ليه اول مسمعت القران رغم انى بصلى وبصوم وبقرا قران عادى ويومها رجعت حكيت اللى حصل فى البيت حسيت لما حكيت انهم خافوا عليا وعاملونى معامله خاصه شويه وده زود قلقى وكبر الحوار فدماغى وخلاه احساس مش وسواس ومن اليوم ده وانا مصابه بخوف شديد وقلبى بيرجف جوايا وطول الوقت بفكر فى الموت واصحابى اللى ماتوا وكل الميتين اللى قبلونى فى حياتى وطول الوقت بحس انى هموت دلوقتى وانتظار امر من حدوثه فقررت انى اعمل فحص للقلب والحمدلله طلع سليم دقات قلبى بس اللى كانت عليا شويه من الخوف اللى وبعد مطمنت انى مفيش فيه اى حاجه عضويه قررت اخد مهدىء وسمعت عن سبرالكس وسالت عليه دكتور قريبى قلى اخده لان ملوش اثار جانبيه الا بالمدى الطويل وبداته فعلا اول مستخدمته تعبنى بزياده وتعب معدتى بس قررت انى اكمل واستمريت عليه حبيه كل يوم لغايه مخلصت اول شريط اى نعم حاله الهلع مجتليش تانى بس لسه القلق والخوف والفكره الوسواسيه جوايا وبقى عندى ارق طول الليل وانام فى النهار وكوابيس كتير وحشه ومبقاش ليا نفس اعمل اي حاجه حتى مبقتش عايزه اروح شغلى ودايما بخاف وانا بصلى وبحس انى هموت وانا بصلى رغم انى بقول لنفس هوه حد يطول موته زى دى واخاف اقرا او اسمع قران بحس انى لو عملت كده هموت بس ارجع اضغط على نفسى عشان مغضبش ربنا وبحس انو لو عملت اى حاجه حلوه او ساعدتى ممتى او كلت او شربت ان هموت ياريت تساعدونى وتقولولى ايه حصلى خلانى ابقى كده انا قريت مواضيع مشابهه وارتحت لما لقيت ناس زى وابتديت اقول لنفسى وسواس بس يرجع الخوف واقول احساس مع ان اصلا محدش يعرف معاده امتى وانا كنت شخصيه عاقله جدا ومتفاءله اوى والضحكه مبتفراقنيش وشخصيه اجتماعيه جدا واتخرجت من كليه طب وفى سنه امتياز يعنى مفيش اى ضغط عليا من مذاكره ولا اهل بالعكس اهل طيبين وواقفين جمبى يمكن كان عليا ضغوط زمان بس المفروض دلوقتى انا ابقى مرتاحه بجد مش فاهمه ايه اللى حصل .. ياريت تساعدونى يمكن كلامك يكون معين ليه وياريت تقبلوا صداقتى ومشاركتى فى المنتدى
المصدر: نفساني
|
|||
|
02-12-2013, 11:15 AM | #3 |
موقووووووووووووف
|
روح طبيب نفسي واطلبي منه يعطيك السيروكسات المضاد للوساوس والإكتئاب والخوف
لا تخافي من الموت اعملي أعمال صالحة بحيث تشعرين إنك لو تموتين تدخلين الجنة هذا الشعور قد يأتي من الإيمان و كثرة العمل الصالح وبهذه الحالة سوف يهون الموت إن شاء الله استمع بالحياة ولا تحملي هم ياأرحم من كل رحيم ويا أكرم من كل كريم وياأرأف من كل رؤوف اشفي أميرة الليثي |
|
02-12-2013, 11:45 AM | #5 |
عضو
|
تسلم يا اخى ومشكور لمرورك .. سبرالكس برضوا لحاله الخوف والوسواس وبيقولوا احسن .. انا مش عايز ادخل فى ادويه ودكاتره والموضوع يكبر اكتر من كده بحس انه بيتعبنى اكتر .. المشكله فى تفكيرى هوه اللى عايز يتغير وانى اشيل الفكره دى من دماغى وانابحاول بعمل اللى انت قلته عشان مخفش من الموت بس بيبقى غصب عنى وبفكر واخاف برضه .. المشكله انا عندى الوسواس شغال وانا جوايا رغبه فى الحياه لسه نفسى اعيش واقضى فروض ربنا كمان ينبغى واروح احج واتجوز ويبقى عندى اطفال ومش عايز افارق اهلى ولا يزعلوا ويحزنوا ابدا بتمنى فكل لحظه ربنا يدينا الفرصه دى وانى ممتش وصل بيا الحال لكدا وكان فى اصلا حد عارف هيموت امتى ولا معاده امتى .. صعبان عليا ان بخاف من حاجه مش عارفه هتحصل امتى بس عقلى محسسنى انها هتحصل دلوقتى اى شكه فى جسمى يبقى هموت دلوقتى . انا نفسى بسخر من تفكيرى بحس نفسى ضعيفه وغبيه بس غصب عنى احساس الخوف مبيفارقنيش الا لو دماغى اتلهت فى اى حاجه شويه بس بعدها يرجع تانى وتسلم اخى على الدعاء وياريت تدعيلى على طول
|
|
02-12-2013, 11:52 AM | #6 |
عضو
|
تسلم اخى ومشكور على مرورك وربنا يشفينا جميعا ويشفى كل مريض
|
|
02-12-2013, 11:56 AM | #7 | |
عضو
|
اقتباس:
اشيل الفكره دى من دماغى وانابحاول بعمل اللى انت قلته عشان مخفش من الموت بس بيبقى غصب عنى وبفكر واخاف برضه .. المشكله انا عندى الوسواس شغال وانا جوايا رغبه فى الحياه لسه نفسى اعيش واقضى فروض ربنا كمان ينبغى واروح احج واتجوز ويبقى عندى اطفال ومش عايز افارق اهلى ولا يزعلوا ويحزنوا ابدا بتمنى فكل لحظه ربنا يدينا الفرصه دى وانى ممتش وصل بيا الحال لكدا وكان فى اصلا حد عارف هيموت امتى ولا معاده امتى .. صعبان عليا ان بخاف من حاجه مش عارفه هتحصل امتى بس عقلى محسسنى انها هتحصل دلوقتى اى شكه فى جسمى يبقى هموت دلوقتى . انا نفسى بسخر من تفكيرى بحس نفسى ضعيفه وغبيه بس غصب عنى احساس الخوف مبيفارقنيش الا لو دماغى اتلهت فى اى حاجه بس بعدها يرجع تانى وتسلم اخى على الدعاء وياريت تدعيلى على طول[/QUOTE] يكبر اكتر من كده بحس انه بيتعبنى اكتر .. المشكله فى تفكيرى هوه اللى عايز يتغير وانى اشيل الفكره دى من دماغى وانابحاول بعمل اللى انت قلته عشان مخفش من الموت بس بيبقى غصب عنى وبفكر واخاف برضه .. المشكله انا عندى الوسواس شغال وانا جوايا رغبه فى الحياه لسه نفسى اعيش واقضى فروض ربنا كمان ينبغى واروح احج واتجوز ويبقى عندى اطفال ومش عايز افارق اهلى ولا يزعلوا ويحزنوا ابدا بتمنى فكل لحظه ربنا يدينا الفرصه دى وانى ممتش وصل بيا الحال لكدا وكان فى اصلا حد عارف هيموت امتى ولا معاده امتى .. صعبان عليا ان بخاف من حاجه مش عارفه هتحصل امتى بس عقلى محسسنى انها هتحصل دلوقتى اى شكه فى جسمى يبقى هموت دلوقتى . انا نفسى بسخر من تفكيرى بحس نفسى ضعيفه وغبيه بس غصب عنى احساس الخوف مبيفارقنيش الا لو دماغى اتلهت فى اى حاجه بس بعدها يرجع تانى وتسلم اخى على الدعاء وياريت تدعيلى على طول] |
|
|
02-12-2013, 12:03 PM | #10 |
( عضو دائم ولديه حصانه )
|
اختي يمكن تكون هذه بداية نوبة الهلع والخوف وكانت بدايتنا كذلك ومع الأيام
ان شاء الله تخف الحاله . مع العلم انه انا اهلي اهتموا بي في بداية الامر وخافوا عليّه، واشوف الامر صار عادي عندهم، لكن انا اعاني، لازم انشع الفكره من رأسي أسأل الله لكِ الشفاء |
|
02-12-2013, 12:31 PM | #11 |
عضو
|
انا باخد حبيه فى اليوم هوه ده المعدل المناسب لو وسواس قهرى زى ممكتوب فى ووشته العلاج وكمان اخى كمان جوايا قناعه انه مش بالعلاج بس انا عايز خد يقلى اغير تفكيرى ازاى ازاى لما ترودنى الفكره انساها واتجهلها وارميها ورا ضهرى .. عارفه لما حد يقولى وسواس مش احساس برتاح شويه وبصدقه وكانه هوه اللى عارف الغيب او عارف انا هموت امتى زى اللى عايزه اللى يقنع دماغى تانى انه وسواس عايزه حد يغير تفكيرى كله .. ربنا يطمنا ويشفينا وشكرا اخى لاهتمامك وردك وتفاعلك معايا
|
|
02-12-2013, 12:36 PM | #12 |
عضو
|
انا بتوقع كده اختى انها حاله هلع او خوف اتمنى ربنا يشفينا جميعا انا برضه اهلى قلقوا عليا ولسه مازالوا المشكله لما بحسهم قلقانين بتوتر واخاف اكتر وبيقلب انه احساس مش وسواس عشان كده مش عايزه اكبر الموضوع واروح لداكتره عشان مش يقلقوا اكتر واتعب انا اكتر وفضلت اطرح موضوعى هنا وبقلهم هما انى كويسه وانى بقيت افضل رغم ان باين عليا العكس وانى مش عارفه حتى ارجع انسجم معاهم تانى او اهزر واضحك من قلبى زى الاول .. احنا لازم تفكيرنا هوه اللى يتغير وننسى اللى حصل ازاى معرفش ياربت فيه دكتور هنا يفيدنا وربنا يشفينا ويصلح احوالنا
|
|
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|