![]() |
|
![]() |
|
![]() |
||||||||
|
||||||||||
![]() |
![]() |
![]() |
ملتقى أصحاب الوسواس ملتقى جميع الأعضاء الذين يعانون من الوسواس بجميع انواعه وقصتهم مع المرض . |
![]() |
|
أدوات الموضوع |
![]() |
#1 | |||
عضـو مُـبـدع
أبتسم الآن .. WFW..WEFR
![]() ![]() ![]() ![]() |
![]()
بسم الله والحمدلله والصلاة والسلام على رسول الله ..
كيف حالكم يا موسوسين ؟؟ عندي نقاش نبي نتكلم فيه أنا معاكم و نسرد وجهات نظرنا .. طبعآ مريض الوسواس القهري وقته كله وساوس وخوف وقلق وتوتر وتفكير و مفضي يوووومه كله حق الوسواس والأفكار الوهمية اللتي لاتمت الى الواقع بشيئ .. مريض الوسواس .. يحب يتأكد أن اللي فيه موجود عند كل الموسوسين واذا مالقى الرد ينجلط ويصير يقضي يومه كله عشان يلاقي كلمه تناسب اللي فيه مخه ووساوسه وتخفض من حالة التوتر اللي عنده .. وطبعآ ينتج عن الوسواس القهري اكتئاب وقلق و دموع ليل ونهار .. ( اوكي يامجموعة أفكار نعرف كل هالكلام عطنا الخلاصة ) اوكي بعطيكم الخلاصة .. الخلاصة أن لازم من هاللحظة ياللي قاعد تقرى نقاشي .. نفكر في حل نشوفه لأنفسنا مهما كانت شدة وساوسنا نقضي فيها وقتنا بحيث أن ننشغل عن كل شي له علاقة بساوسنا و نتعلم كيف نتجاهل وساوسنا " بالافعال مو بالكلام" ونقتنع أن اللي في راسنا أوهام ووساوس شياطين وحنا اللي معطينه أكبر من حجمه طبعآ .. ( كلام يقهر أدري بس لازم أقوله ) الخلاصة .. أن أقتراحي .. أن نساعد بعض في تنسيق جدول يومي نلتزم فيه ( انا عن نفسي سويت وملتزم فيه صارلي شهر و مرتاح الحمدلله وقاعد يخف وسواسي لاني مشغول عنه ) قولولي شنو تحبووون تمارسوون وحتى لو ماتحبون انا راح اساعدكم بس خلوننا نتناقش .. واذا في اقتراحات انشغالية اكثر فيدوننا ناطركم نبي تفاعل .. محدثكم من قلب الحدث السيروتونيني الوسواسي "مجموعة افكار" ( عبدالله ) :) المصدر: نفساني
|
|||
![]() |
![]() |
#2 |
عضـو مُـبـدع
أبتسم الآن .. WFW..WEFR
![]() ![]() ![]() ![]() |
وين الردود والتفاعل والاشياء .. WFLOWEO
شكلي بنطر لي باجر وبحذف الموضوع للأسف :( |
![]() |
![]() |
#3 |
المدير العام للموقع
روح نفساني
![]() |
اهلا بك اخي و لا تحذف موضوعك لان فيه دعوة جميلة
في الحقيقة كتبت مشاركة و عند الاعتماد فصلت :/ لي عودة الى موضوعك ان شاء الله ،، و اتمنى تفاعل الاخوة ،، فالخروج من حلقة الوسواس ليس بالصعوبة التي يتخيلها البعض يحتاج الى توكل على الله ثم اراداة و مواضبة ،، على المصاب ان يتوقف عن الانسياق وراء الافكار الوسواسية و شغل الذهن بامور تحتاج التركيز ،، مع التمرن تبدا الافكار في التلاشي الى ان تختفي باذن الله ،، شكرا لك على الطرح اخي عبد الله |
![]() |
![]() |
#4 |
عضو نشط
![]() |
مرحبا مجموعة أفكار
انا زي مانت عارف من اكثر الناس يمكن وسواس لكني انا حاليا عاطله ماعندي اي شي اسويه حاولت ادور لي موهبه بي ماش مافلحت لكني حقيقه لما ادخل اقرا كاتب شي عن وسواس الموت و يجي الثاني يرد عليه يقوله هذا وسواس ولا احد يعلم انه متى يموت سبحان الله هذي الكلمه قادره تطلعني من الي انا فيه و ممكن ارجع اقرأها اكثر من مره اذا تكرر الوضع مادري كلامي احس داخل على بعض بس حبيت اشاركم في نقاشكم |
![]() |
![]() |
#5 | |
عضـو مُـبـدع
أبتسم الآن .. WFW..WEFR
![]() ![]() ![]() ![]() |
اقتباس:
بسم الله الرحمن الرحيم .. أختي ميوي كلنا عارفين مشكلتج وعارفين معاناتج لايخفى على أحد كثير التردد على هذا القسم مشكلة ميوي ومعاناتها وآلامها .. الحمدلله على كل حال .. أنا أحب أشغل نفسي وايد وخصوصآ بالقراءة والتثقف بشتى المجالات بعيد عن مواطن الوسوسة وأي فكرة وسواسية تخطر في بالي أتحاشاها ولا كأني قاعد أسمعه .. تدرين شنو أتخيل الوسواس ؟ شخصية سوداوية مطابقه لي ولشكلي ولكنها تعيش داخل دماغي وتحاول هدم حياتي وتساعد الشيطان على ذلك .. هذا ما اتخيله ولذلك انا ما اعطيها مجال انها تدمر حياتي اوجهها بالاهمال و التجاهل و يقولج الحقران يقطع المصران .. تتقطع مصرانه لحد ماينجلط ويموت مع الأيام ولكن مو بسهولة قتلته صعبه يبيله صبر وقوة عزيمة وارادة وتحمل و المواظبة على الانشغال والاشتغال بالامور النافعة والصلاة والعبادات والصيام لوجه الله تعالى و التعوذ من الشيطان بين حين وآخر وحب عمل الخير و قراءة الكتب والتفاسير و الكتب الثقافية العامة عن التغيير وتطوير الذات والكلمات الايجابية هذه كلها تجعل الوسواس القهري يتلاشى ويختفي ويخاف منك انتي شخصيآ .. اما بتعطينه وجه .. يوووه .. بيعيشك بضيم سبحان الله شكرآ |
|
![]() |
![]() |
#6 |
عضـو مُـبـدع
أبتسم الآن .. WFW..WEFR
![]() ![]() ![]() ![]() |
شاركوننا أفكاركم و طرق مواجهتكم للوساوس لعل ننتفع كلنا جزاكم الله خير حبايبي
|
![]() |
![]() |
#7 |
عضو نشط
![]() |
شخصيا اعرف ان مشكلتي الفراغ
احتاج اني اتوظف و احيانا كثيره اقول الحمدالله هذا ابتلا من الله و باذن الله مأجورين احنا صحيح ليت الكل يشارك عشان نعاون بعض |
![]() |
![]() |
#8 |
عضو موقوف
![]() |
اخوي عبدالله انا لي تسع سنوات عجزت اصدق اني عايش بالدنيا وانا راجع للبيت اقول شكلي مارايح ادل شكلي ابنهبل ابروح لمكان ثاني وش تواجه يارجال يعني معقول الشيطان اقوى من الله وشلون تعبنا صراحه عمري 38 سنه لازواج ولا هم يحزنون ومنقطع عن العمل لي فوق 4 شهور طايح بالفراش جميع مادة كيميائية على وجه البسيطه الا جربته التحسن 20% عموماً موضوعك اكثر من رائع الله يوفقك لكن مع الاسف انا مستـــــــــــــــــــــلم خل الشيطان ياخذ راحته حتى الاكل اعجز اذكر الله حاله قسم بالله
|
![]() |
![]() |
#9 |
عضو نشط
![]() |
اليوم حالتي غير
احساس بالموت و قرب الأجل مع عدم الخوف فيكم تقولون لي هل احد قد مر بهذا الوضع !! |
![]() |
![]() |
#10 |
عضو فعال
![]() |
السلام عليكم
اخواني اول سبب للشفاء واول خطوة بعد الله بسيطة جدا هي اقناع نفسك انك انت مافيك شئ بس ! وبعدها الي يصير يصير يعني رحت المستشفى وطلعت تحاليلك سليمة ! خلاص ليش تخاف وانت معافى جسديا ولله الحمد ؟ بالعكس مفروض بعد ماتتأكد انك سليم تبدأ انت تتغلب ع الوسواس وتقهره والحمد لله عن نفسي بعد ماتأكدت اني سليم قلت يالوسواس يا انا يا انت ونشوف اخرتها بفضل رب العالمين اختلف حالي وصرت احسن من قبل تصدقون لي فتره ماجلست مع اهلي انكت واضحك واتريق ! وربي جلست معهم وقالبها تريقه وضحك اول كان الوسواس مسيطر علي ومانعني اروح المستشفى ونجح الوسواس في منعي من روحة المستشفى بس لمن رحت وقالولي سليم عرفت وقتها ليش الوسواس كان مانعني نصيحتي لكم اي شئ يطريه عليكم الوسواس فكرو بعكسه على طول يعني يقولك بتموت حط ببالك ان ربي كاتب لك طولة عمر بيقولك بتنجن حط ببالك انك انسان عاقل ومتزن ودايم تفكر بنفسك يقولك انت مريض بمرض خطير تأكد انك سليم ومافيك شئ وتقدر تروح المستشفى تتأكد من هالشئ. جربو باصرار وعزيمة وتذكرو ان من يتوكل على الله فهو حسبه الله يشفيكم ويشفي جميع المسلمين |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|