ابشركم اختفت اعراضي كلها

ابشركم اختفت اعراضي كلها

بسم الله الرحمن الرحيم

اللهم لم الحمد و الشكر كما ينبغي لجلال وجهك وعظيم سلطانك

حبايبي حبيت اطرح موضوعي لعله يكون بصيص أمل للكثير منكم

الحمدلله تعالى كل الاعراض او خلونا نقول معظمها تلاشى و لله الحمد

من دوخه و دوار و عدم توازن و قلق و خفقان و صعوبة بلع و اختناق

وغشاوة عين و ارق و صعوية تنفس الحمدلله تلاشت واضبت عالرقية

و قراءة سورة البقرة و ماء زمزم و الإستغفار بالاضافه الى دواء سبرالكس استخدمه

من شهر و اسبوعين بجرعة 20 مل والله العظيم اني صرت انسانه ثانيه

و ادركت اللي كان فيني مجرد وهم وهم وهم وهم وهم ... و عليكم بالرياضه

و التطنيش اول ما تجيكم اي فكره او وسواس حاولوا من اول 3 ثواني اطنشونه

و تحقرووونه اقسم بالله بيختفي على طول ... بحاول اكتب لكم يومياتي ..

الى ان الله ايتمم شفائي .... أتمنى لكم الشفاء يارب و فالكم من فالي ان شاءالله ♥

المصدر: نفساني

ماشاء الله تبارك الله. ان شاء الله. عقبى للجميع. يااارب اختي ساره اعراضك كانت بس ووقت النوبه والا دائما. وايش اللي كان مستمر معاك. انا الحمد لله حاسه. بتحسن من بديت تجاهل الاعراض لكن اليوم احس راااسيً ثقيييل

حبيبتي ام شجاع كانت اعراضي ليل و نهار مستمره ما كنت اقدر اسيطر عليها بالمره
عدم التوازن و اختلال انيه و صعوبة بلع كانت معاي ملازمتني .... تخيلي من كثر ما كنت
احس بعدم توازن قمت اشوف او يتهيأ ان الارض مايله استغفر الله هههههههه الحمدلله
احس كان كابوس ... و بالمناسبه اتمنى تشوفين فيديوهات سامر الحلبي نوبات الهلع عاليوتيوب
جدا جدا مفيده ... الله يعافيني و يعافيج و يعافي الجميع يارب ♥

مثلك تمام. بس مشكلتي انا بعد بسالفة التنميل احس اخر لساني ينمل ماادري هل هو وهم ام حقيقه.

وهم ياقلبي و بتضحكين على نفسج انا هذي سالفة التنميل

كنت اخس حتى راسي اينمل و لساني وكل مكان والله وهم

تبين تضحكين علي كنت ما احس باطرافي كان مافيني ريول تخيلي هههههههه

حبيبتي والله استانست لج فديتج ربي يتمم علينا الشفاء . انا امس بديت بحبوب الزولفت والرقيه الشرعيه . بس طبعا ماراح يبين التاثير الا بعد اسبوعين . فرحتي قلبي بشفائج . انا امس طلعت والله من كثر ما احس بعدم توازن الخدامه تمسك يدي مب قادره اثبت لك الحمديارب وصارلي يومين ماداوم وانا احب العمل 😂😂 ام شجاع نصيحتي حل تشوفت دكتوره نفسيه او اذا تقدرين تستحملين لبعد الولاده كيفج بكن انا قالت لي الدكتوره وايد تاخرتي على العلاج وكل شي تراكم وسواس اكتئاب ققلق خوف والحمدالله . حاولي عشان ماتزيد الحاله اما مريت بنفس احساسج وانا حامل

حبيبتي ام سي في صدقيني بتتعافين و بتتحسنين بس الصبر يباله وقت

لا تخافين والله كنت امشي اتساند عالخدامه او اي حد معاي و كنت

اذا في مكان عام اول كرسي جدامي ايلس عليه ههههههه حسيت اني صرت عيووز

بس والله ها كله وهم ... الله يعافينا يارب

ام سيوفي انا بعد التجاهل تحسنت كثير لكن ظروف حملي تمنعني من زيارة ايً دكتور نفسي وغير كذا زوجي كان رافض الموظوع بس اقنعته وقال بس تولدين بنروح دكتور بس انا حاسه اني بتشافى بدون ادويه والله الادويه النفسيه لها مضاعفات ومستمره ع الرقيه وماء زمزم صرت مااشربً غير ماء زمزم حاسه براحه هاليومين اليوم زرت صديقتي والحمد لله اول كنت مااقدر اطلع من بيتي ودائما اعصابيً مشدوده.

جربي حبيبتي لان انا سويت هذا كله رحت حق مطوع وماي زمزم وزيت مقري وكل شي بس سبحان الله يخف بس ويرجع لكن عدم التوازن ماخف كلش 😂😭😭😭وكل شخص يختلف انتي حاولي وان ماتحتاجين الادويه النفسيه يارب

الله يتمم عليك ب عافيته
مشكلتي ماعرف اتجاهل اﻻعراض لما تجي الدوووخه خﻻﻻﻻﻻﻻﻻﻻص يضرب معي التوتر ويبداء جسمي يهتز قووووة وزغلله وطنين ...بحاول اطنشه يارب يشافينا

فاااقدين اختنا مهلوعه جدا جدا.

المشاركة الأصلية كتبت بواسطة ام شجاع

فاااقدين اختنا مهلوعه جدا جدا.

حبيبتي والله ام شجاع بس انا تعبانة هاليومين امس رحت للدكتور وقالي كل شي طبيعي ومايبغيني اتعود على الحبوب بس متعبتني الوخزات كأنها موية في كل مكان واحيانا تكون حارة احس بقلق واني بنتهي شكلي..

بسم الله عليك يامهلوعه. اختي انتي حييل متشائمه مايصلح كذا بعدين ترا انتي احسن من حالتنا انا وام سيوفيً ونعمة النسيان يااختي احمدي ربك انتي من خلال كلامك تكبيرين الامور حاولي تصغريها خليها هينه قولي لانفسك وش يعني نغزات هذا شي عادي من القلق والوسواس اقولك الوسواس يعمل كل شي تدرين ليه لان لقى عندك قابليه للتأثر وراح يزيد عليك. انا مثلا اعراضي وش كثرها يوم جربت التطيش وحاولت لاني حطيت فبالي بعد كم يوم ان شاء الله بصير 👶ماما. قلت لازم اتغير عشان اهتم بالبيبي والله يامهلوعه احس بتحسن حتى لو في اعراض باقيه بس نفسيتي حيل احسن من قبل وهذا يساعد انتي حاولي وراح تقدرين

والله ياام شجاع مو قادرة اتغلب عليها وكل ماحسيت فيها يضيق صدري..مع ان احاول اشغل نفسي بس غصباً عني اتضايق..

الحمدالله اختي ساره هذي بشاره حلوه ، وان شاءالله على طول تكونين بخير ، الصبر مفتاح الفرج اتمنالج السعاده دايما واصلي على هذي الروح الحلوه اتمنالج كل توفيق.