تعبت ساعدوني

تعبت ساعدوني

السلام عليكم ورحمة الله وبركاته
مساء الخير
إن شاء الله تكونو في أحسن حال 🌹

حبيت افضفض لكم لاني مااقدر اشكي لححد محد يفهم الشعور

قبل شهر كنت بنام وكنت ببلع ريقي حسيت بصعوبة وخفقات في قلبي
قمت مفزوعة قلت هذا الموت ورجعت قلت بنام ماقدرت وابتدت عندي الوساوس
وابتدا عندي جفاف الحلق وصعوبة البلع والشهيه صارت عدم ، كل مااحط لقمه في حلقي
احسها جافه واشرب شي عليها واقول شبعت لين مانزل وزني وتفكيري كله في الموت
من قبل كنت احب اطلع ومستانسه وعايشة حياتي ومن جتني هذي الحالة كرهت كل شي
ومااحب اطلع بس غصب اطلع لاني مابي ابين شي لاهلي والنوم كوم ثاني :(
بس الحين قدرت اتغلب على مشكلة جفاف الحلق وصعوبة البلع والاكل صرت آكل بس احيان تنسد شهيتي
لما اتذكر الوسواس ، وسواس الموت والخوف تعبني كل ثانية وكل دقيقة وكل ساعة

المصدر: نفساني

اهلا اختي نصيحه مني لا تمادين بالافكار وبعدين تزيد عليك الاعراض ترا كلنا بدينا باعراض سهله مثلك وشوفي اللحين وين صرنا هلع وقلق وخوف وكل شي يخطر ببالك انا حتى وضيفتي تركتها والسبب حالتي ماعاد اقدر اتحمل شي ابد اخااااف حتى من منظر الانسان المبتلى بمرض او اعاقه وانا اساس شغلتي ممرضه وكنت حيييل متميزه واحب شغلي مووووت انصحك هذي وسوسه اطرديها دامها بأولها لا تستسلمين دعواتك

حبيبتي اجر و عافيه دام انج ف البداية موضوعج سهل و بسيط
باذن الله تعالى ... مثل ما قالت ام شجاع لا تستسلمين للافكار
و لا تسمحين للشيطان ايوسوس لج .. و اي استفسار نحن اخوانج
لا تخجلين منا اسئلينا اي وقت ماعليج شر فديتج

تسلمون حبايبي والله احياناً اتغلب عليه واحياناً اقول هذا مو وسواس
مشكلتي التفكير الله يكون بالعون

اختي الله يشفيك وغلط الحين تفكرين بالماضي شلون كنتي والحين شلون صرتي فكري بالمستقبل وعقلانيه والافكار تحتاج اعاده صياغه ممكن تحصلين مواضيع باليوتيوب تعلمك فن التحكم بالافكار والايجابيه

كلامك سليم اخوي بس والله لا تلومني نفسيتي تعبانه والنوم ماانامه
والله احياناً اقول فيني عين او حسد
الحمدلله ع كل حال