مش عارف اجيب ليكسوتانيل بروشتة الدكتور , الصيادلة جننوني

مش عارف اجيب ليكسوتانيل بروشتة الدكتور , الصيادلة جننوني

انا بعاني من اكتئاب حاد من 12 سنة و هو مش اكتئاب تقليدي زى اللي بيعالجوه بال SSRI أو ال SNRI .. اكتئابي في نطاق ال Bipolar II depression و باخدله Lamictal .. و لما حكيت للطبيب اني كل يوم الصبح بستيقظ و انا في حالة خوف شديدة و رعشة داخل الصدر و البطن بتخليني زى مايكون جبل المقطم على صدري (( ومش عارف اقوم من عالسرير)) , غير حالة من التوتر بتخليني ألّف في البيت و ماقدرش أقعد غير نوبات الفزع اللي انا تقريبا حادخل فيها دلوقتي و انا بكتب ام الموضوع ده , راح كاتبلي ليكسوتانيل 1.5 , في الأول كنت بجيبه عادي بالروشتة لكن الأيام دي كل أما أدخل صيدلية و أوريهم الروشتة بلاقيهم بيردو نفس الرد : ماعندناش و مش بينزل و انا عارف انهم بيدوه للمعارف او العيال المدمنة , ده غير الصيادلة الحمير اللي بيعاملوني كأني مدمن داخللهم , ببقى عايز أكسر الصيدلية على أمه من كتر معاناتي و غباؤه في التعامل .. يقوم يضحك ضحة باردة و يقولي ده دوا جدول , أومال انا داخللك بورقة لحمة بروح امك , ماهي روشتة طبية !!


أعمل ايه !! اجيب الدكتور اللي كتبهولي و اخده من ايده يقول للصيدلي اديله الدوا لأنه مريض و لا اتخانق مع امهم , لأني خلاص مستبيع حياتي و حاولت الانتحار كذا مرة فمش فارق معايا حاجة في الحياة .. حتى دراستي في هندسة القاهرة تركتها بسبب حالة الاكتئاب الحادة .. فهموني اعمل ايه في أم الليلة دي ؟ لا عارفين نعيش و لا حتى نتعالج .. أنا خلاص حاسس لو نزلت تاني و صيدلي رد ببرود و قاللي ماعنديش حاولع في امه

المصدر: نفساني

الله يشفيك اخي عادل شفاء لا يغادر سقماً

حاول تتماسك واكيد راح تحصله بس انت ليش ما سئلت الدكتور عن الصيدلية الي تبيعه

عندنا في السعودية الصيدليات قلقة جدا الى تبيعه وما يعطونك العلاج الا اذا اشتريت منهم علاجات ثانية بجانب المهدئ

صراحة دواء رهيب استخدمته شهر كامل بجرعة 5 ملجم وكان ممتاز وتركته لان يسبب الادمان والتعود

الف سلامة لك وما تشوف شر

أهدأ يخويا ياعادل وماتكسرش اي صيدليه على أم أي حد ولاتتخانق مع أمهم ولاتولع في أمهم ولا في أم الليله دي (: ثم إنت مالك ومال أمهم (:

وماتروحش للدكتور وتخدوا من إيده للصيدليه لأنه مش فاضي يجي معاك (: معليش أنا بأكتب لك بلهجتك المصريه اللي أحبها وبالطريقه دي علشان أضَحِِكَك شويه وأهَوِن عليك .

ايه رأيك تحكي للدكتور صعوبة حصولك ع الدواء وتطلب منه يغير لك الدواء بدواء آخر له نفس المفعول وموجود في الصيدليات ... يارب في هذه الليالي المباركه

يشفيك وتعود لإكمال دراستك ياااااارب آمين والله بأدعوا لك من قلبي وربي قريب مجيب .... قووووول آمين (:

كلامكم كويس ربنا يكرمكم ... بس سيبكم من موضوع ال ليسكوتانيل .. خلاص مش فارق كتير .. انا لسة امبارح و الله كنت ببحث على النت عن طريقة للانتحار عن طريق ال overdose و كنت بجمع معلومات .. لكني ماكنتش حانتحر في نفس الوقت , بل تحسبا للوقت الذي سأفقد فيه كل الأمل .. منتظر آخر دواء جربته في سلسلة ادوية طويلة , اسمه لاميكتال .. منتظر أوصل للجرعة 200 (أو 300 لو لم ينفد صبري) و اذا لم اجد مفعولا واضحا سوف افكر جديا في هذا الموضوع . و كنت قد فعتلها مسبقا بإندرال لكن شاء الله ان الجرعة التي أخدتها بمجموع (650 مللي) كانت هى الحد الأقصى المسموح به دون ان ادري .. انا بفكر بعقلي جدا و مش متسرع و عارف انا بعمل ايه كويس و ايه اأنسب حل ليا من تجربة 12 سنة معاناة .. صدقوني مش مستاهلة

إنتحاااااار !!!! ليه بس كده أنا من الصبح قاعده أكتبلك بالمصري علشان أضحِكك شويه وإنت كده تنكد علي بالمتنيل على عينه الإنتحار !!!!

ربي يطول عمرك في شفاء وطاعة الله ... ايه رأيك بدل ماتبحث في النت عن طريقه للإنتحار تروح للدكتور وتقوله على رغبتك الشديده بالإنتحار ليساعدك أكثر .

ربنا يكرمك على اهتمامك و على ذكائك في الرد .. و الله المستعان

كان عندي دوجماتيل منتهي الصلاحية من سنة نص .. خدته لأني مش قادر انزل اجيبه , حاشوف حاتحسن ولا لأ , لأن حالتي النفسية في الحضيض غير احساس الخوف الشديد و القلق .. ده احسن بدل مانزل اطلع ××× أمهم .. ان شاء الله نازل قريب اتخانق مع امهم , عشان عالم فسدة ولاد ××× , مستبيع بقى و خلاص مش فارق معايا حاجة

راجع الطبيب واتاكد منه عن فترة استعمال الدواء ..
ثم اخبره بما يقوله لك الصيادلة لان دى مسؤولية الطبيب مش الصيادلة لازم يكتبلك دواء يكون متوفر فى السوق مش لسا هتتعب لغاية ماتجيبه

يا سيدي , مابقتش فارقة .. دي منظومة فساد, الدوا موجود لكن بيطلعوه لل((معارف)) , جيبته قبل كدا من صيدلاني كنت اعرفه و قاللي مابطلعهوش لأى حد , قلتله انا معايا روشتة , قاللي برضو مابنطلعوش .

فوكك مش فارقة .. الواحد عايش ميت . و بيني و بينك لو احتاجته و ملقتوش حانزل اوريهم الجنون الحقيقي على حق ربنا .

الواحد عايز يهاجر من امها و يروح بلد محترمة مش بلد الكوسة و المعارف و الفسااااااااااااد

المهم كل سنة و انت طيب

وانت طيب
يا سيدى روق ومتعصبش نفسك الفساد فى كل مكان اكيد مش هتقدر تصلح العالم هههه
المهم حاول تبحث عن حل او روح لطبيب غيره
اكيد فيه ادوية تانية مفعولها كويس وموجودة فى الصيدليات