دوخه غريبه

دوخه غريبه

السلام عليكم
صباح الخير

اخواني انا تجيني دوخه غريبه مو زي اللي اول ماتقول لا مثلا اذا ضحكت او بعض المرات بدون مااسوي مجهود واضح احس بدوخه غريبه كان ضغطي ينخفض والله جتني قبل شوي يوووه حتى اول ماجتني قلت ان شاء الله بتخف شوي زادت ثمن دنقت براسي شوي الين خفت وجتني معها كم نبضه غريبه ثمن رحت انسدح كنت بودي اخوي للمدرسه وقلت له دبر احد يوديك تعبان شوي واشوى لقى من يوديه

ياخي تكفون وش وضع ذا الدوخه الغريبه

المصدر: نفساني

طيب اخوي عادي كلنا حالتنا كلها غريبه واعراضنا صعبه حتى تشرحها لدكتور خلها ع ربك

الحال من بعضه اخوي
الدوخة ذي جننتني
كيف دوختك اخوي؟
تحس انك الي دايخ والاشياء ثابتة؟
ولا تحس الاشياء تدور حولك؟

لا هذي غير عن عدم الاتزان وغير عن الدوخه اللي اذا صرته قاعد ثمن قمته يعني كن الدنيا تسود قدامك لالا هذي غير احس اني دايخ كانه بيغمى علي كان ضغطي انخفض مع اني جالس

ثمن يتغير النبض عندي ثمن ينزق في جوي الله يكرمكم

حتى اول ماكانت تجيني

ههههعععع... عااادي عزوزي والله جتني كذا مره وانا جالسه وانا منسدحه عاادي عارف ذي سببها القولون فجأه ينتفخ بثواني ويجيك هالاحساس ثمن يرجع لمكانه تحس بهبوط وضربات قلبك مادري كيف تصير ودوخه والله عاديه عزوز انا تعودت عليها لان صديقتي مثلي واختي كمان والسبب القولون حتى لو انك ماتحس فيه بس العرض هذا منه ....

عارف كانت لمن تجيني احس بيغمى واجلس ابكي ... كم انا غبيه خخخخخ

طيب ليش ينتفخ هل اهو انتفاخته من اعراض الهلع والا انا عندي مشاكل بالقولون وش تتوقعين

والله من كثر الاعراض معاد صرت اعرف وش اصالي اي عرض فيهم

مع اني ياام شجاع والله مااحس انها من القولون اكثر شي تجيني لين سولفت كثير مااخذت نفس او ضحكت تجيني لين صرت هادي الحمد لله قليل تجي او بالاصح ان شاء الله ماتجي

والله ياعزوز انا بعد مااحس ان فيني قولون ابد بس صديقتي ماشاء الله عليها هي عندها معلومات لانها مساعدة دكتور ومعاي بالمستشفى وحيل وضحت لي كيف يصير الشي اللي نحس فيه وهي ع حسب كلامها تقول يجي لكل الناس بس الانسان اللي اساس عنده قلق والناقل العصبي عنده مضطرب يجيه دايم ويحس فيه اكثر من الانسان العاد يعني ترا حنا مب عاديين بسم الله علينا 😌

وتاكد ان اي انسان عنده قلق القولون عنده يتأثر بحالته النفسيه والمزاجيه

طيب الحين من اعراض القولون انها تجيك دوخه

القولون الظاهر اعراضه امساك اسهال اصوات من البطن والم بالبطن بس زي كذا بس مايسبب دوخه

والله معاد اعرف شي اللي اعرفه اني مدري وش بلاني وبس كل يوم عرض ومع كل عرض اجلس افكر فيه

سلام عزوزي،هل مع الدوخه حتا لو كانت بسيطه تحس،بتغير بنبض القلب ؟؟ وضح اذ سمحت